Adinekoek eta ezinduek osatzen duten biztanle-multzoa gero eta handiagoa da, eta zerbitzuen eskariari begira gorantz doa. Halere, irisgarritasun mailak, orokorrean, gabeziak ditu:

• Baliabideek irisgarritasun maila apala dute orokorrean, ez baitute bermatzen zerbitzu-kate osoaren egokitasuna.
• Biztanleok zaintzeko beharrezkoa den gaitasun profesionala falta da, izan ere, prestakuntza arautuak ez baititu gaiaren inguruko edukiak jasotzen.
• Baliabideen eta zerbitzuen irisgarritasun mailari buruzko informazioan zehaztasun eza da nagusi.
• Ez dago irisgarritasun estandarrari buruzko eredurik, halakorik bermatuko duenik.
• Irisgarritasun unibertsala kontuan hartzen duten eta “pertsona guztien” beharretara egokituta dauden produktu eta zerbitzuak falta dira.