Adapta Taldea Matia Taldearen baitan sortu da, 1888. urtetik adinekoen eta ezinduen bizi-kalitatea hobetzeko lanean diharduen erakundearen barruan.
	Bi fundaziok osatzen dute MATIA Taldea: MATIA FUNDAZIOA: 1888. urtean sortu zen adinekoen eta ezinduen beharrei erantzuteko. Misio horrekin, Fundazioak zentro sozio-sanitarioak kudeatu ditu, eta berriki URREZKO Q lortu du, aurrera daraman kudeaketaren adierazgarri.
	MATIA GERONTOLOGIA INSTITUTUA Fundazioa - INGEMA: 2002. urtean sortu zen, aipatutako biztanleria-segmentuaren bizi-kalitatea hobetzeko ezagutza garatu, hedatu eta berritzeko helburuarekin. Gai horretan teknologi zentroa da, Zientzia eta Teknologiaren Euskal Sareak homologatutako eragile zientifikoa eta teknologikoa. INGEMA Fundazioak IKERKETA, GARAPENA eta BERRIKUNTZA lantzen ditu, eta arlo horiekin batera, zentro sozio-sanitarioen kudeaketari begira, baita PRESTAKUNTZA eta AHOLKULARITZA ere. INGEMAn landutako berrikuntza-proiektuetako baten ondorioz sortu da Adapta TALDEA, irisgarritasuna aurrera eramateko helburuarekin abiatu den ekimena.
	INGEMA taldeko innobazio proiektu baten emaitzen ondorioz, Adapta taldea sortu da. Berau, irisgarritasunaren garapenerako sortu da innobazioko MATIA INNOVA unitatearen barnean.
	Adaptak irisgarritasunari buruzko aholkularitza-zerbitzua eskaintzen die erakunde publikoei eta enpresa pribatuei, azpiegiturak, zerbitzuak eta produktuak adinekoen eta ezinduen beharrei egoki ditzaten, betiere aniztasun funtzionalaren kontzeptua kontuan hartuta. Aholkularitza-zerbitzuaren osagarri dira prestakuntza eta kontzientziazioa.
	POLO MATIA izango dena sortzeko proiektu garrantzitsuan buru-belarri ari da lanean  MATIA Taldea.